ესპანური “ბარსელონას” ერთ-ერთი ლიდერი ლიონელ მესი ჩემპიონთა ლიგის ნახევარფინალში “მანჩესტერ იუნაიტედთან” დაპირისპირებას სრულ მზადყოფნაში შეხვდება.
ამის შესახებ არგენტინელმა ფეხბურთელმა Sky Sports-ს განუცხადა.
“მანჩესტერ იუნაიტედის წინააღმდეგ სათამაშოდ მზად ვარ. “ბარსელონას” გულშემატკივრები ჩემგან კარგ თამაშს ელიან და მათთვის იმედის გაცრუების უფლება არ მაქვს” – აღნიშნა ახალგაზრდა თავდამსხმელმა, რომელმაც ტრავმით გამოწვეული 1-თვიანი პაუზის შემდეგ გასულ უქმეებზე პრიმერადივიზიონში “ესპანიოლთან” მატჩში ერთი ტაიმი ითამაშა.
კატალონიელები ევროპის ყველაზე პრესტიჟული საკლუბო ტურნირის
1/2-ფინალური ეტაპის პირველ მატჩს “მანჩესტერ იუნაიტედის” წინააღმდეგ 23 აპრილს გამართავენ.