ინგლისის “მანჩესტერ იუნაიტედის” პორტუგალიელ თავდამსხმელს პლანეტის საუკეთესო ფეხბურთელობა სურს, რისთვისაც, თავის დაზოგვას არ აპირებს.
ამის შესახებ, საფეხბურთო ინტერნეტ-გამოცემა Goal.com-ი იუწყება.
“ჩემპიონთა ლიგაზე და პრემიერლიგაზე ვარ კონცენტრირებული, მაგრამ ჩემი მთავარი მიზანი, პლანეტის საუკეთესო ფეხბურთელობაა. ყოველდღე გულმოდგინედ ვვარჯიშობ. მხოლოდ ღმერთმა უწყის მოვახერხებ, თუ არა “ოქროს ბურთის” მოპოვებას. ამჟამად, კარიერაში საუცხოო პერიოდი მიდგას. ფიზიკურად კარგად ვარ მზად და მონდომებით ვმუშაობ, რისი დასტურიც ჩემს მიერ გატანილი გოლებია”, – განაცხადა რონალდუმ.
მიმდინარე სეზონში, პორტუგალიელმა, სხვადასხვა ტურნირებში 37 გოლი გაიტანა, რითაც “მანჩესტერ იუნაიტედის” ჩრდილოირლანდიელი ვარსკვლავის, აწ გარდაცვლილი ჯორჯ ბესტის რეკორდი გააუმჯობესა.