ინგლისის “მანჩესტერ იუნაიტედის” მცველ ხერარდ პიკეს მენეჯერმა არტურო კანალესმა, სეზონის დასრულების შემდეგ ფეხბურთელის ესპანეთში დაბრუნების შესახებ გავრცელებული ინფორმაცია უარყო. ამის შესახებ, ბრიტანული სპორტული მასმედია იუწყება. “ეს ჩვეულებრივი ჭორია, რომელშიც სიმართლის ნატამალი არ დევს. პიკე ამჟამად, მხოლოდ “მანჩესტერ იუნაიტედზე” ფიქრობს” - განაცხადა კანალესმა. პიკე “ბარსელონას” საფეხბურთო სკოლის აღზრდილია და მანჩესტერში 2004 წელს გადავიდა. 2006-2007 წლებში იგი ესპანეთის “სარაგოსაში” იყო განათხოვრებული.
