ინგლისის “მანჩესტერ იუნაიტედის” მთავარი მწვრთნელი სერ ალექს ფერგიუსონი საკუთარი გუნდის მცველის რიო ფერდინანდის ფიზიკური მდგომარეობით შეშფოთებულია.
როგორც BBC იტყობინება, ფერდინანდმა ფეხის ტრავმა ინგლისის პრემიერლიგის გასულ ტურში, “მიდლსბროსთან” 2:2 დასრულებულ შეხვედრაში მიიღო და 69-ე წუთზე შესაცვლელი გახდა.
“იმედი მაქვს, სერიოზული არაფერი აღმოჩნდება. ძალიან მაშფოთებს ის ფაქტი, რომ მან კოჭლობა არ მიატოვა” - ამბობს ფერგიუსონი.
ფერდინანდს უახლოეს 24 საათში სამედიცინო გამოკვლევა ჩაუტარდება და მას შემდეგ გაირკვევა, თუ რა პერიოდით გამოაკლდება იგი საკუთარ გუნდს.
“მანჩესტერ იუნაიტედის” კიდევ ერთი მცველი ნემანია ვიდიჩი ტრავმირებულია და მინდორზე მინიმუმ 2-3 კვირას ვერ გავა.