თამაში დაიწყო. პირველივე წუთზე “რომა” ანვითარებს დაძაბულ შეტევას, მაგრამ მანსინი კარგავს ბურთს “იუნაიტედის” საჯარიმოში. უკვე მე-3 წუთზე ვუჩინიჩი უტევს, მაგრამ ისევ მცველები ამშვიდებენ სიტუაციას. თავიდან, ბურთის ფლობა საგრძნობლად “რომას” ფეხბურთელებს” ეკუთვნოდა, თუმცა მალე პროცენტული მაჩვენებლები გატოლდა და რამდენიმე ხანში ინგლისელებმა გაასწრეს იტალიელებს. მე-13 წუთზე ევრა ჩინებულ გადაწოდებას აკეთებს მოწინააღმდეგის საჯარიმოში მყოფ პარკზე, მაგრამ მის დარტყმას იგერიებს ტონეტო. 25-ე წუთზე სკოულზმა ძლიერი დატყმა განავითარა, მაგრამ მცველები მასაც გაუმკლავდნენ. 33-ე წუთზე “მანჩესტერში” პირველი ცვლილებაა. ტრავმირებული ვიდიჩის შეცვლაზე გამოდის ო’ში. 38-ე წუთზე ტადეი გავიდა შეტევაზე, მაგრამ ბურთი არ გაცდომია ინგლისელ მცველებს. 39–ე წუთზე განუმეორებელი რონალდუ იტანს!!! 41–ე წუთზე “რომას” უჩნდება გათანაბრების შანსი, თუმცა ვუჩინიჩმა იჩქარა. 45–ე წუთზე პირველი გაფთხილება მატჩში – ანდერსონი იღებს ყვითელ ბარათს. იმავე წუთზე ყვითელი უკვე “რომას” ფეხბურთელს, პისარომ უხეშად ითამაშა პორტუგალიელი ნახევარმცველის საწინააღმდეგოდ. სამი დამატებითი წუთის შემდეგ მსაჯი ტაიმს დასრულებულად აცხადებს.
მეორე ტაიმში “რომა” შედარებით კარგად ფლობს ბურთს. 51–ე წუთზე იტალიელები პირველ რეალურად სახიფათო მომენტს ქმნიან, მაგრამ მხოლოდ ძელის შერხევა გამოსდით. 54–ე წუთზე მეკსესმა ყვითელი მიიღო. 56–ე წუთზე ანდერსონის ნაცვლად გამოდის ხარგრივზი. მე–60 წუთზე ტადეის ჟული ეცვლება. 61–ე წუთზე ვან დერ საარი გუნდს გოლის გაშვებისგან იხსნის. 67–ე წუთზე გადის მეორე გოლი “მანჩესტერ იუნაიტედის” შესრულებით. პარკმა რუნი ცარიელ კარებზე გაიყვანა, და ამ უკანასკნელმაც დაიტანა ცარიელ კარში მეტრის სიშორიდან. 68–ე წუთზე უკვე იმედგაცრუებულ “რომაში” ცვლილებაა – სისინიო ცვლის ტონეტოს. 69–ე წუთზე რონალდუ ცდილობს მდუბლის მითვლას, მაგრამ ბურთი ძელს ეხახუნება და არ შედის კარში. 77-ე წუთზე იტალიელები ბურთზე ფლობას აძლიერებენ, თუმცა გამარჯვების რრწმენა აღარ აქვთ და მომენტების შექმნაზე ნაკლებად მუშაობენ. 77–ე წუთზე ეპოზიტო ცვლის აკვილანს. 86–ე წუთზე მოედანზე რუნის ნაცვლად გამოდის ტევეზი. თამაში რჩება ინგლისელების გამარჯვებით. მსაჯი აფიქსირებს 2:0–ს.