იტალიური “რომას” თავდამსხმელ ფრანჩესკო ტოტის დიდი იმედი აქვს, რომ ჩემპიონთა ლიგის 1/4-ფინალის განმეორებით შეხვედრაში, რომელიც 9 აპრილს “ოლდ ტრაფორდზე” გაიმართება, მოედანზე გამოსვლის საშუალება ექნება.
როგორც Sky Sports-ი იუწყება, ტოტი ჩემპიონთა ლიგის ხვალინდელ შეხვედრას ტრავმის გამო გამოტოვებს.
“არასოდეს მიყვარდა ისეთი შეხვედრების გამოტოვება, როგორიც ხვალ გაიმართება, მაგრამ ვერაფერს შევცვლი. დარწმუნებული ვარ, ჩემი მეგობრები “მანჩესტერის” დამარცხებას მოახერხებენ, თუმცა, შემდეგ ეტაპზე გამსვლელი გუნდის ბედი 180 წუთის შემდეგ გაირკვევა. ვფიქრობ, “ოლდ ტრაფორდზე” თამაშს მოვახერხებ. ამის იმედს მწვრთნელები და ექიმები მაძლევენ. რამდენიმე დღე დავისვენებ და იმედი მაქვს, ტკივილი მთლიანად გამიქრება” - ამბობს ტოტი.