ინგლისის ფეხბურთელთა ეროვნული ნაკრებისა და “მანჩესტერ იუნაიტედის” მცველმა რიო ფერდინანდმა თავის ამჟამინდელ კლუბში კარიერის დასრულებამდე თამაშის სურვილი გამოთქვა.
ამის შესახებ, ბრიტანული მასმედია იუწყება.
“კლუბის ხელმძღვანელობამ ჩემს მენეჯერს წინადადებით მიმართა, მაგრამ ამჟამად, “მანჩესტერ იუნაიტედს” ბევრი რთული მატჩი ელის და ამ საკითხის განხილვა სეზონის ბოლომდე გადავდე, როდესაც ნაჩქარევი გადაწყვეტილების მიღებისგან დაზღვეული ვიქნები. მხოლოდ მაშინ შევძლებ სწორი არჩევანის გაკეთებას. “მანჩესტერ იუნაიტედთან” კონტრაქტი კიდევ ორი წელი მაკავშირებს და მის გასაგრძელებლად მზად ვარ, რათა კარიერა “ოლდ ტრაფორდზე” დავასრულო” - თქვა ფერდინანდმა. 

იტალიური “რომას” მთავარი მწვრთნელი ლუჩანო სპალეტი “მანჩესტერ იუნაიტედთან” ჩემპიონთა ლიგის 1/4-ფინალური მატჩის წინ აცხადებს, რომ ბრიტანელებზე რევანშის აღება სურს.
ამის შესახებ Channel4-ი იტყობინება.
“როცა შვიტყვე, რომ “მანჩესტერ იუნაიტედთან” მოგვიწევდა შეხვედრა სიხარულისგან შევყვირე. ეს შესანიშნავი შანსია შარშანდელის გამო რევანშის ასაღებად, რაც ჩვენთვის ღირსების საკითხია. ერთი წლის განმავლობაში ტკივილს ვატარებთ, ახლა კი ყველაფერის გამოსწორება შეგვიძლია” - აცხადებს სპალეტი.
“რომა” “მანჩესტერ იუნაიტედს” ხვალ, 1 აპრილს “ოლიმპიკოზე” უმასპინძლებს, ხოლო საპასუხო მატჩი “ოლდ ტრაფორდზე” 9 აპრილს გაიმართება.
ამ გუნდების გზები ჩემპიონთა ლიგის გასულ სეზონშიც ამავე ეტაპზე გადაიკვეთა და “რომა” შინ 2:1 გამარჯვების შემდეგ სტუმრად გამანადგურებელი ანგარიში - 1:7 დამარცხდა.

ინგლისური “მანჩესტერ იუნაიტედი” რომში გაემგზავრა, სადაც ხვალ, “რომას” წინააღმდეგ ჩემპიონთა ლიგის 1/4-ფინალური ეტაპის პირველი მატჩის გამართვა მოუწევს.
კლუბის ოფიციალური ინტერნეტ-გვერდის ცნობით, გუნდის მთავარმა მწვრთნელმა ალექს ფერგიუსონმა იტალიაში 21 ფეხბურთელი იახლა:

მეკარეები: ვან დერ საარი, კუშჩაკი, ჰიტონი;

მცველები: ოში, ბრაუნი, ფერდინანდი, ვიდიჩი, პიკე, სილვესტრი, ევრა;

ნახევარმცველები: ანდერსონი, კრიშტიანუ რონალდუ, პაკ ჩუ სუნი, ჰარგრივზი, სქოულზი, კერიკი, გიგზი, იგლზი;

თავდამსხმელები: ტევესი, რუნი, უელბეკი.
ინგლისურ კლუბს “რომასთან” დაპირისპირებაში ტრავმის გამო პორტუგალიელი ნახევარმცველი ნანი ვერ დაეხმარება. სამაგიეროდ, გუნდს დაუბრუნდნენ: ედვინ ვან დერ საარი, მაიკლ კ ... მეტის წაკითხვა

“მანჩესტერ იუნაიტედის” ფორვარდმა უეინ რუნიმ გაწელილი მშრალი სერია “ასტონ ვილასთან” მატჩში შეწყვიტა და ბირმინგემელებს ერთბაშად ორი გოლი გაუტანა, რამაც “წითელი ეშმაკუნების” თავკაცი, სერ აქლეს ფერგიუსონი ძლიერ გაახარა.
– უეინს მშრალი სერია იმდენ ხანს გაეჭიმა, უკვე აღარ მეგონა, ოდესმე გოლის გატანას კიდევ თუ შეძლებდა. საბედნიეროდ, ნავსი გატყდა. რუნი ისეთი ტიპის ფორვარდია, ახლა შეიძლება გატანა რეგულარულად დაიწყოს და თუ ჩემი ვარაუდი გაამართლა, ძალიან ბედნიერი ვიქნები. კრიშტიანუ რონალდუს გოლს რაც შეეხება, მისი სილამაზე მანამდე ვერ აღვიქვი, სანამ გამეორებაზე რამდენჯერმე არ ვნახე. მინდა ვთქვა, რომ კრიშტიანუმ ყველაფერი ბრწყინვალედ გააკეთა და საერთოდაც, დღეს ჩვენ სეზონის ერთ–ერთი საუკეთესო მატჩი ჩავატარეთ. ახლა, ჩემპიონატის ბოლომდე 6 მატჩი დაგვრჩა გასამართი, რომელთაგან ოთხი სტუმრად გვიწევს და დარჩენილ შეხვედრებშიც ასევე თამაშს შევეცდებით, – განაცხადა ფერგიუსონმა.

ინგლისის “მანჩესტერ იუნაიტედის” მარცხენა მცველი პატრის ევრა, შესაძლოა, უახლოეს მომავალში სხვა კლუბში გადავიდეს.
ამის შესახებ, საფეხბურთო ინტერნეტ-გამოცემა Goal.com-ი იუწყება.
“კლუბის ხელმძღვანელობას ერთხელ უკვე შევხვდი ჩემი ახალი კონტრაქტის პირობების განსახილველად. აქედან გამომდინარე, “მანჩესტერ იუნაიტედში” ჩემი პოზიციის შესახებ იციან. მანჩესტერში თავს კარგად ვგრძნობ და თითოეულ შეხვედრაში ბოლომდე ვიხარჯები, მაგრამ არ გამოვრიცხავ, რომ ამ ზაფხულს, ან ერთი წლის შემდეგ, კლუბი შევიცვალო” - განაცხადა ევრამ.
ფრანგ ფეხბურთელს “მანჩესტერ იუნაიტედთან” კონტრაქტი კიდევ ერთი წლით აკავშირებს და მის გაგრძელებას არ ჩქარობს.