ინგლისის “მანჩესტერ იუნაიტედის” მთავარი მწვრთნელი სერ ალექს ფერგიუსონი მიიჩნევს, რომ პრემიერლიგის მოგების ყველაზე დიდი შანსი ლონდონის “ჩელსის” გააჩნია.
ამის შესახებ, ფერგიუსონმა Sky Sports-ს “ბოლტონთან” 2:0 მოგებული შეხვედრის შემდეგ განუცხადა, რის შემდეგაც, “მანჩესტერ იუნაიტედი” გათამაშების ცხრილის ერთპიროვნული ლიდერი გახდა.
“ჩვენ კარგად გვესმოდა, რომ “ბოლტონთან” მოგებით, მთავარი მოწინააღმდეგის, “არსენალის” 3 ქულით ჩამოტოვების კარგი შანსი გვქონდა. სწორედ ეს სტიმული დაგვეხმარა გამარჯვების მოპოვებაში. ახლა, განსაკუთრებით რთული პერიოდია – დადგა ის მომენტი, როდესაც ჩემპიონის ვინაობა უნდა გაირკვეს.
“ჩელსი” ყველაზე მომგებიან სიტუაციაშია, რადგანაც ის საკუთარ სტადიონზე გვეთამაშება ჩვენ და “არსენალს”. ის ლიდერია, არა ფაქტიური, მაგრამ მაინც ლიდერია. დარჩენილ 8 შეხვედრას უკეთ ის გუნდი ჩაატარებს, რომელიც უფრო გამძლე იქნება”, – განაცხადა ფერგიუსონმა.
მოცემული მომენტისთვის, პრემიერლიგის სატურნირ ... მეტის წაკითხვა

ინგლისის ჩემპიონატის მორიგ შეხვედრაში “ბოლტონთან” დუბლის შესრულებით, “მანჩესტერ იუნაიტედის” პორტუგალიელმა ნახევარმცველმა კრიშტიანუ რონალდუმ, ამ ამპლუის ფეხბურთელთათვის ერთ სეზონში გატანილი გოლების რაოდენობით, კლუბის რეკორდი მოხსნა.

როგორც Guardian–სი იუწყება, წინანდელი რეკორდი, 1967/68 წლების სეზონის მიხედვით, სახელგანთქმულ ჯორჯ ბესტს ეკუთვნოდა. მას, ყველა ტურნირში, იმ პერიოდში 32 გოლი დაუგროვდა, პორტუგალიელის ანგარიშზე კი, უკვე 33 გოლია და საკუთარი მიღწევის გაუმჯობესება კიდევ შეუძლია.
“მსოფლიოს არცერთ ფეხბურთელს არ შეუძლია ისე თამაში, როგორც ამას კრიშტიანუ აკეთებს”, – განაცხადა “მანჩესტერ იუნაიტედის” მთავარმა მწვრთნელმა, სერ ალექს ფერგიუსონმა.