Main » 2008»მაისი»24 » რონალდუმ ირლანდიელ ბუქმეიკერებს 1,5 მილიონი ევრო დააკარგვინა
რონალდუმ ირლანდიელ ბუქმეიკერებს 1,5 მილიონი ევრო დააკარგვინა
2:08 PM
ირლანდიურმა საბუქმეიკერო კანტორა Paddy Power-მა 1,5 მილიონი ევრო დაკარგა მას შემდეგ, რაც “მანჩესტერ იუნაიტედის” ნახევარმცველმა კრიშტიანუ რონალდუმ, ჩემპიონთა ლიგის ფინალურ მატჩში ანგარიში გახსნა. ამის შესახებ, ინტერნეტ-გამოცემა sportbox-ი იტყობინება. მომხდარის მიზეზი, ადმინისტრაციის მიერ კლიენტების მისაზიდად დადებული პირობა გახდა, რომლის თანახმად, თუკი, პორტუგალიელი ნახევარმცველი “მანჩესტერ იუნაიტედისა” და “ჩელსის” შეხვედრაში, თუნდაც ერთი გოლის ავტორი გახდებოდა, ნებისმიერ შედეგზე წაგებული თანხა, მოთამაშეებს უნდა დაბრუნებოდათ. ამგვარად, მას შემდეგ, რაც ეს მოხდა, ირლანდიელმა ბუქმეიკერებმა 1,5 მილიონი ევრო დაკარგეს – სწორედ ამ ოდენობის თანხა იყო მოთამაშეების მიერ მოსკოვურ მატჩზე სხვადასხვა შედეგზე დადებული. თუ რა ბედი ეწია საბუქმეიკერო კანტორის მენეჯერს, რომელმაც მოთამაშეებს ამგვარი პირობა შესთავაზა, უცნობია. ჩემპიონთა ლიგის ფინალური მატჩის ძირითადი და დამატებითი დრო 1:1 დასრულდა, პენალტების სერიაში კი, გამარჯვება “მანჩესტერ იუნაიტედმა” იზეიმა.
