კრიშტიანუ რონალდუ არ არის სავსებით კმაყოფილი კლუბში შექმნილი სიტუაციით.
როგორც ესპანური ავტორიტეტული Marca იუწყება, პორტუგალიელი “მანჩესტერ იუნაიტედიდან” წასვლაზე სერიოზულად ფიქრობს. კრიშტიანუს დაუკმაყოფილებლობის მთავარი მოტივი ის არის, რომ კლუბმა დაპირება არ შეასრულა.
მისი კონტრაქტის ერთ–ერთი დეტალი იმაში მდგომარეობს, რომ “მანჩესტერის” ხელმძღვანელობა მას შეპირდა ხელფასის ამაღლებას, რითიც რონალდუ მსოფლიოში ყველაზე მაღალანაზღაურებადი ფეხბურთელი გახდება, საქმე სეზონში 13 მილიონ ევროს ეხება.
“რეალი მადრიდი”, რომელიც მსოფლიოს საუკეთესო ფეხბურთელის ყიდვაში დიდი ხანია დაინტერესებულია, კრიშტიანუს გარშემო შექმნილ ვითარებას კვლავ აკვირდება. თუ პორტუგალიელი ვარსკვლავი მართლაც დატოვებს “მანჩესტერს” ის შეიძება ესპანურ კლუბში გადავიდეს.
