ინგლისის “მანჩესტერ იუნაიტედის” პორტუგალიელმა ნახევარმცველმა კრიშტიანუ რონალდუმ, მოსკოვში ჩემპიონთა ლიგის ფინალში “ჩელსის” დამარცხების შემდეგ განაცხადა, რომ უახლოეს პერიოდში გუნდის გამოცვლას, არ აპირებს და ამით, “მანჩესტერის” გულშემატკივრები დაამშვიდა. მანჩესტერული კლუბის ოფიციალური საიტი იუწყება, რომ ამ განცხადებით, 23 წლის პორტუგალიელმა, თავისი მადრიდის “რეალში” შესაძლო გადასვლასთან დაკავშირებით გავრცელებულ ხმებს მოუღო ბოლო. ჟურნალისტის მიერ დასმულ შეკითხვაზე, აპირებს, თუ არა ის კლუბის გამოცვლას, რონალდუს ემოციურად უპასუხია: “არა, არა და არა! მე ვრჩები”!
