“ჩელსის” თავკაცმა ფერგიუსონის გუნდს ჩემპიონთა ტიტული მოულოცა.
პრემიერ–ლიგის ბოლო ტურში ლონდონელებს უნდა მოეგოთ “ბოლტონისთვის” და უნდა ჰქონოდათ იმედი, რომ “მანჩესტერ იუნაიტედი” “უიგანთან” ქულებს დაკარგავა. მაგრამ “წითელმა ეშმაკუნებმა” გამარჯვება მოიპოვეს ანგარიშით 2:0, რითიც “ჩელსი” – “ბოლტონის” მატჩის ანგარიშს მნიშვენლობა დაუკარგეს.
“მინდა იუნაიტედს მოვულოცო, და მითუმეტეს - სერ ალექს ფერგიუსონს. მათ შესანიშნავი სეზონი ჩაატარეს”, - განაცხადა გრანტმა Sky Sports–თან ინტერვიუში. “ჩვენთვისაც სეზონს ცუდად არ ჩაუვლია. შესაძლოა ცუდი სტარტი ავიღეთ, მაგრამ შემდეგ ფორმაში ჩავდექით და კარგი ფეხბურთი ვაჩვენეთ”.
ბოლო წუთზე გოლის გაშვებით, “ლურჯებმა” სეზონი დაასრულეს ისე, რომ “მანჩესტერს” ორ პუნკტში ჩამორჩნენ. ანგარიში ანდრეი შევჩენკომ გახსნა, “ჩელსი” მთელი თამაშის განმავლობაში მოწინააღმდეგეზე ბევრად უკეთესად გამოიყურებოდა, მაგრამ, “უიგანის” მატჩის სიახლეების გაგებამ მათ მოდუნების საშუალება მისცა.
“ფეხბურთელებს არანაირი მოტივაცია არ ჰქონდათ, როდესაც მანჩესტერის თამაშის შედეგებს იგებდნენ, მაგრამ მე მათი ვამაყობ- წელს მნიშვნელოვან შედეგს მივაღწიეთ”, - ამბობს გრანტი. “იყო მომენტი, როდესაც იმის იმედი გამიჩნდა, რომ იუნაიტედს გავუსწრებდით. ჩვენ 1:0–ს ვიგებდით, და მათაც ეს ანგარიში ჰქონდათ. მაგრამ როდესაც გიგზმა მეორე გოლი გაიტანა, გავიგე რომ ყველაფერი დასრულებული იყო”.
შეგახსემებთ, რომ გრანტს კიდევ ექნება “ეშმაკუნების” გაბრაზების შანსი - კლუბები ჩემპიონთა ლიგის ფინალში, მოსკოვში 21 მაისს შეხვდებიან ერთმანეთს.
