Main » 2008»მაისი»10 » “უიგანთან” მატჩში რუნის ყოფნა კითხვის ნიშნის ქვეშ არის
“უიგანთან” მატჩში რუნის ყოფნა კითხვის ნიშნის ქვეშ არის
1:06 PM
“უიგანთან” გადამწყვეტ მატჩში უეინ რუნის ყოფნა–არყოფნის საკითხი ეჭვქვეშ დგას, მაგრამ ცნობილია რომ ის მზად იქნება მოსკოვში გასამართი ჩემპიონთა ლიგის ფინალისთვის. “რუნის შესახებ დარწმუნებული არ ვარ, – განაცხადა სერ ალექს ფერგიუსონმა Setanta Sport–თან ინტერვიუში. – შეიძლება მას კვირას შეცვლაზე გამოვუშვებ. მაგრამ ის აუცილებლად ითამაშებს ჩემპიონთა ლიგის ფინალში”. ნემანია ვიდიჩის “ჩელსისთან” მატჩში მიღებული ტვინის შერყევა განგაშს იწვევს, მაგრამ ფერგის მაინც აქვს იმედი იმისა, რომ მცველი შეძლებს სტივ ბრიუსის შეგირდებთან თამაშს. “ჩვენ დიდი იმედი გვაქვს, რომ ნემანია თამაშს შეძლებს, – თქვა სერ ალექსმა. – მან ექიმებისგან თანხმობა მიიღო, ასე რომ მომავალი ორი ვარჯიში მისთვის უმნიშვნელოვანესი იქნება. ის თავს ბევრად კარგად გრძნობს და ვიმედოვნებ, კვირას ვიდიჩის მოედანზე გაშვებას შევძლებ”.
