“მანჩესტერ იუნაიტედისა” და ინგლისის ნაკრების თავდამსხმელ უეინ რუნის ბიძაშვილმა ნატალი რუნიმ მკერდის ოპერაცია გაიკეთა და “The Sun”-ის მილიონობით მკითხველს ნაოპერაციევით ტკბობის საშუალებაც მისცა. “ამიერიდან მათ დემონსტრირებას ყველგან მოვახდენ” – თქვა ნატალიმ თავისი სილიკონით გაბერილი ბორცვების შესახებ და დასძინა, რომ მისი მიზანია, ისევე გამოიყურებოდეს, როგორც ცნობილი ბრიტანელი პორნოვარსკვლავი ჯორდანი. ნატალი უეინის საცოლეს კოლინ მაკლაფლინსაც დაემუქრა – ჩემი ბორცვები ისევ თუ არ მოეწონება, თავს მათ შორის მოვაქცევინებ და გავუსრესო. საქმე ის გახლავთ, რომ მკერდის საჯაროდ მოტიტვლების სურვილი მას პირველად სწორედ კოლინის დაბადების დღეზე, 3 აპრილს გაუჩნდა და ამ უკანასკნელის გულისწყრომაც გამოიწვია – ოღონდ, არ ვიცით, რის გამო, შეუფერებელი საქციელის თუ უბრალოდ არასაკმარისი გაბარიტებისა. “დედაჩემმა უკვე უთხრა უეინს, რომ ოპერაცია გავიკეთე და მან მაგრად იცინა” – თქვა ნატალიმ.
