ინგლისის პრემიერლიგის კლუბ “მანჩესტერ იუნაიტედის” მთავარმა მწვრთნელმა ალექს ფერგიუსონმა, ჩემპიონთა ლიგის 1/8 ფინალში “ლიონთან” გამეორებითი მატჩის წინ, ფრანგების ფორვარდი ქარიმ ბენზემა, ზინედინ ზიდანს შეადარა. ამის შესახებ, უეფა-ს ოფიციალური ვებ-გვერდი იუწყება. “ლიონის” ფეხბურთელებს კარგად აქვთ შეგნებული, რომ მათ, მანჩესტერში გოლის გატანა სჭირდებათ. მეტოქის ფორვარდ ბენზემას კარგ თამაშზე ადრეც ვისაუბრე. ის ძალიან ძლიერი ფეხბურთელია, რომელიც აღნაგობითა და სირბილის მანერით ზიდანს მაგონებს. ბენზემა ცენტრფორვარდად არის დაბადებული”, – განაცხადა ფერგიუსონმა. “ლიონისა” და “მანჩესტერ იუნაიტედის” პირველი დაპირისპირება საფრანგეთში 1:1 დასრულდა.
